“Токио-2020” паралимпын XVI наадам үргэлжилж байна.

Пара жиү жицүгийн анхны дэлхийн аварга, Монгол Улсын тамирчин А.Мөнхбат “Токио-2020” паралимпын наадмын жүдо бөхийн -66 килограмм жингийн төрөлд оролцож байгаа. Тэрбээр эхний шатандаа Австралийн тамирчин Вейн Фиппсийг цэвэр ялсан. Шөвгийн наймд “Лондон-2012” паралимпын алтан медальт, “Рио-2016” паралимпын хүрэл медальт Украины бөх Давид Хоравад ялагдал хүлээлээ. Улмаар А.Мөнхбат дагаж барилдахаар болсон юм.

А.Мөнхбат нь “Лондон-2012” паралимпын наадмын есдүгээр байрт шалгарч байсан бөгөөл 2018 оны Жакартагийн Азийн пара наадмаас хүрэл медаль хүртсэн билээ.