“Токио-2020” зуны 16 дахь удаагийн паралимпын наадам өчигдөр буюу наймдугаар сарын 24-ний өдөр албан ёсоор эхэлсэн. Ээлжит паралимпын наадамд дэлхийн 162 орны 4403 тамирчин спортын 22 төрөлд өрсөлдөж байгаа юм.

Тэгвэл “Токио-2020” паралимпын наадмын анхны алтан медалийг Австрали Улсын тамирчин Пейж Греко хүртлээ. Тэрбээр эмэгтэйчүүдийн дугуйн 3000 метрийн ганцаарчилсан уралдааны төрөлд гурван минут 50 секундийн амжилт үзүүлж, дэлхийн дээд амжилтыг шинэчлэн тогтоож, паралимпын алтан медаль хүртсэн байна.

Өдгөө 24 настай Пейж Греко тархины саажилттай бөгөөд уг өвчин нь түүний биеийн баруун хэсэгт нөлөөлдөг байна. Харин тэрбээр энэ удаагийн паралимпын уралдаанд 46.791 километр/цагийн дундаж хурд үзүүлсэн юм.

“Токио-2020” зуны 16 дахь удаагийн паралимпын наадмын эмэгтэйчүүдийн дугуйн 3000 метрийн ганцаарчилсан уралдааны төрлийн мөнгөн медалийг БНХАУ-ын Ван Шиаомей, хүрэл медалийг ХБНГУ-ын тамирчин Денис Шлиндер нар хүртсэн байна.