Аргентины нэрт хөл бөмбөгч Лионель Месси 17 жил зүтгэсэн Испанийн “Барселона” клубээс гарсан. Тэгвэл нэрт хөл бөмбөгчийн албан ёсны мэдэгдэл хийсэн хэвлэлийн хурлын үеэр ашигласан цаасан алчуурыг зарахаар болжээ. Лионель Мессигийн ашигласан цаасан алчуурыг нэг сая ам.доллароор худалдаалахаар нэгэн худалдаач худалдааны цахим сүлжээнд байршуулсан байна.

Ташрамд дурдахад, уг цаасан алчуурыг худалдахаар зарласан худалдаач нэрт хөл бөмбөгчийн генийг хадгалж байгаа уг цаасан алчуурыг ашиглаж, клон буюу Лионель Месси шиг чадвартай хуулбар бүтээх боломжтой талаар тэмдэглэсэн юм.