Монгол Улсад залуучуудын байгууллага үүсэж хөгжсөний 100 жил, Монголын Үндэсний Бөхийн Холбооны 30 жил, Монгол бөхийг дэлхийн дээд амжилт Гиннест бүртгүүлсний 10 жилийн ойд зориулсан 526 бөхийн барилдаан өчигдөр буюу наймдугаар сарын 16-нд Хүй долоо худагт эхэлж, хоёр даваа болж өнгөрсөн. Өнөөдөр 512 бөхийн барилдаан гурвын даваанаас эхэлж байна.

Бөхчүүд улсын аварга Э.Оюунболдыг барилдаж байгааг эсэргүүцэж, ам авахгүй гэсэн ч ам авсан байна. Улсын аварга Э.Оюунболд гурвын даваанд улсын арслан Ц.Содномдоржийг амласан юм. Улмаар барилдаанд улсын аварга Э.Оюунболд улсын Арслан Ц.Содномдоржоор гурав давлаа. Хоёр бөх өмнө нь таарч, барилдсан барилдаануудад улсын аварга Э.Оюунболд гурван удаа, улсын арслан Ц.Содномдорж зургаан удаа даваад байсан юм.