Монгол Улсад залуучуудын байгууллага үүсэж, хөгжсөний 100, МҮБХ-ны 30, Монгол бөхийг дэлхийн дээд амжилт Гиннест бүртгүүлсний 10 жилийн ойд зориулсан улс, аймгийн алдар цолтой хүчит 512 бөхийн барилдааныг өнөөдрөөс эхлэн хоёр өдрийн турш буюу наймдугаар сарын 16, 17-ны өдрүүдэд Хүй долоон худагт зохион байгуулна.

          Тэгвэл уг барилдаанд дөрвөн улсын аварга, гурван улсын арслан, таван улсын гарьд, есөн улсын заан, 18 улсын харцага, 64 улсын начин, нийт 103 улсын цолтон тэргүүтэй улс, аймгийн алдар цолтой 512 бөх оролцохоор бүртгүүлсэн байна. Тухайлбал, улсын аварга цолтой Г.Эрхэмбаяр, П.Бүрэнтөгс, С.Мөнхбат, Э.Оюунболд нар барилдахаар болжээ.