Монгол Улсад залуучуудын байгууллага үүсэж, хөгжсөний 100, МҮБХ-ны 30, Монгол бөхийг дэлхийн дээд амжилт Гиннест бүртгүүлсний 10 жилийн ойд зориулсан улс, аймгийн алдар цолтой хүчит 512 бөхийн барилдааныг өнөөдрөөс эхлэн хоёр өдрийн турш буюу наймдугаар сарын 16, 17-ны өдрүүдэд Хүй долоон худагт зохион байгуулна.

          512 бөхийн барилдааныг үзэгчгүй зохион байгуулах бөгөөд барилдах бөхчүүд, жаяг дэгийн багийн гишүүдээс өнөөдөр 09:00 цагаас PCR шинжилгээ авчээ. Уг барилдаанд шөвгөрсөн бөхчүүдээс Допингийн эсрэг байгууллага шинжилгээ авна. Энэ удаагийн 512 бөхийн барилдаанаар Монголын үндэсний бөхийн холбооны Цэцдийн зөвлөлийн хурлаар шинэчлэн баталсан дүрмийг баримтлах юм.