Умард Ирландын Виндзор цэнгэлдэх хүрээлэнд хөл бөмбөгийн супер цомын төлөөх тоглолт болж өндөрлөлөө. Супер цомын төлөө Аваргуудын лигт түрүүлсэн Английн “Челси”, Европа лигт түрүүлсэн Испанийн “Вильярреал” клубууд хоорондоо тоглосон юм.

Тоглолтын 27 дахь минутад “Челси” клубын тамирчин Хаким Зиеч гоол оруулсан. Харин 73 дахь минутад “Вильярреал”клубын довтлогч Жерард Морена гоолдож, тоглолтын тооны харьцааг тэнцүүлсэн юм. Тоглолтын бүрэн цагт хоёр багийн онооны харьцаа 1:1-ээр тэнцэж, нэмэлт цаг торгуулийн цохилт цохиж, супер цомын эзнийг тодруулав. Торгуулийн шугамаас 6:5 харьцаатайгаар “Челси” клуб илүүрхэж, супер цомын эзэн болжээ.

Английн хөл бөмбөгийн “Челси” клуб түүхэндээ хоёр дахь удаагаа супер цомд түрүүлж байгаа юм.