“Токио-2020” зуны олимпын наадам энэ сарын 8-нд өндөрлөсөн. Ээлжит олимпод Монгол Улсыг төлөөлж, 43 тамирчин олимпын 10 спортын төрөлд өрсөлдөж, нэг мөнгө, гурван хүрэл медаль хүртсэн билээ.

Тэгвэл олимпод оролцсон Монголын баг, тамирчдын сүүлчийн хэсэг маргааш буюу наймдугаар сарын 11-ний өдрийн 23:00 цагт эх орондоо ирнэ. Одоогоор баг, тамирчид Олимпын хотхоныг орхиж, Яизү хотод байрлаж байгаа юм.

Энэ ээлжид чөлөөт бөх, хөнгөн атлетикийн тамирчид, дасгалжуулагчид, МҮОХ, БТСУХ-ны ажилтнууд болон сэтгүүлчид тэргүүтэй 43 хүн багтжээ. Харин Монгол Улсын гавьяат тамирчин Б.Сэр-Од дасгалжуулагч О.Оюунтуяа нар Японд үлдэж, Хоккайдод бэлтгэлээ үргэлжлүүлэн хийх юм.