Токиогийн Олимпын бамбарыг буулгаж, “Парис-2024”-т шилжүүлэн өгөх хаалтын ёслолын ажиллагаа Улаанбаатарын цагаар 19.00 цагт эхэлнэ. Хаалтын ёслолд Монголын багийн тугийг чөлөөт бөхийн тамирчин Мөнхтөрийн Лхагвагэрэлд залахаар болжээ. Тэрбээр чөлөөт бөхийн хамгийн хүнд жинд медалийн төлөө барилдан тавдугаар байрт орсон ажилттай тэмцээнээ өндөрлүүлсэн юм.

 

Энэ удаагийн хаалтын ёслолд харьцангуй цөөн тамирчин оролцох аж. Учир нь коронавирусийн цар тахлын улмаас тэмцээн уралдаанаа дуусгасан тамирчид 48 цагийн дотор Олимпийн тосгоныг орхих журмын дагуу тамирчдын олонх эх орондоо буцжээ.