32 дахь удаагийн “Токио-2020” зуны олимпын наадмын чөлөөт бөхийн эмэгтэйчүүдийн 53 килограммын жинд Монгол Улсыг төлөөлж, дэлхийн аварга шалгаруулах тэмцээний хүрэл медальт Б.Болортуяа оролцож, хүрэл медалийн төлөө барилдахаар болсон. Тэгвэл уншигч та бүхэнд Б.Болортуяатай хүрэл медалийн төлөө барилдах Камерун Улсын тамирчин Жозеф Эссомбег танилцуулж байна.

Жозеф Эссомбе 1988 оны гуравдугаар сарын 22-нд Камерун Улсад төрсөн. Сайн найзынхаа ятгалгаар чөлөөт бөхийн спортоор хичээллэж эхлэн, анхны тэмцээнээ 2012 оны Африкийн аварга шалгаруулах тэмцээнээр эхлүүлсэн байдаг. Тэрбээр “Токио-2020” зуны олимпын наадмын 53 килограмм жингийн эхний барилдаанаа Япон Улсын тамирчин Маюү Мүкайдатай хийж, 10:0 харьцаатайгаар ялагдал хүлээсэн. Харин Маюү Мүкайда финал шалгарснаар Жозеф Эссомбе дагаж барилдаж, Польшийн бөх Роксана Засинатай барилдаж, оноо 4:4 харьцаатай тэнцэж, торгуулаар ялалт байгуулсан юм.

Түүний амжилтаас:

• 2019 онд чөлөөт бөхийн Африк тивийн аварга шалгаруулах тэмцээний 57 килограммын жинд мөнгөн медаль
• 2019 нд чөлөөт бөхийн Африкийн наадмын 57 килограммын жинд алтан медаль
• 2020 онд чөлөөт бөхийн Африк тивийн аварга шалгаруулах тэмцээний 57 килограммын жинд алтан медаль