М.Лхагвагэрэлтэй хүрэл медалийн төлөө барилдах Акгул Таха гэж хэн бэ

2021-08-06, 709

32 дахь удаагийн “Токио-2020” зуны олимпын наадмын чөлөөт бөхийн эрэгтэйчүүдийн 125 килограммын жинд Монгол Улсыг төлөөлж, залуучуудын дэлхийн аварга шалгаруулах тэмцээний хүрэл медальт М.Лхагвагэрэл оролцож, хүрэл медалийн төлөө барилдахаар болсон. Тэгвэл уншигч та бүхэнд М.Лхагвагэрэлтэй хүрэл медалийн төлөө барилдах Турк Улсын тамирчин Акгул Тахагийн тухай баримтуудыг хүргэж байна.

Турк Улсын чөлөөт бөхийн тамирчин, Олимпын аварга, дэлхийн хошой аварга Акул Таха нь 2019 оноос хойш олон улсын тэмцээнүүдэд ялагдал хүлээлгүй 16-0 гэсэн амжилттай яваа юм.

Олимпын аварга, дэлхийн хошой аварга Акгул Таха 1990 оны арваннэгдүгээр сарын 22-нд Турк Улсын Сивас хотод төржээ. Акгул Таха 13 настайдаа аав, ах хоёрыгоо дагаж, чөлөөт бөхийн дугуйланд очсоноор спортынхоо замналыг эхлүүлсэн юм. Тэрбээр чөлөөт бөхийн залуучуудын дэлхийн аварга шалгаруулах тэмцээнээс мөнгө, оюутны дэлхийн аварга шалгаруулах тэмцээнд түрүүлж, 2013 оны Казаны Юниверсадаас алтан медаль хүртэж, олон улсын зэрэглэлийн тамирчин болсон байна.

Түүний амжилтаас:

2012 онд чөлөөт бөхийн Европын аварга шалгаруулах тэмцээний 120 килограмм жинд алтан медаль
2013 онд чөлөөт бөхийн дэлхийн аварга шалгаруулах тэмцээний 120 килограмм жинд хүрэл медаль
2013 онд чөлөөт бөхийн Европын аварга шалгаруулах тэмцээний 120 килограмм жинд алтан медаль
2014 онд чөлөөт бөхийн Европын аварга шалгаруулах тэмцээний 125 килограмм жинд алтан медаль
2014 онд чөлөөт бөхийн дэлхийн аварга шалгаруулах тэмцээний 125 килограмм жинд хүрэл медаль
2015 онд чөлөөт бөхийн европын наадмын 125 килограмм жинд алтан медаль
2015 онд чөлөөт бөхийн дэлхийн аварга шалгаруулах тэмцээний 125 килограмм жинд алтан медаль
2016 оны Риогийн зуны олимпын наадмын чөлөөт бөхийн 125 килограмм жинд алтан медаль
2017 онд чөлөөт бөхийн Европын аварга шалгаруулах тэмцээний 125 килограмм жинд алтан медаль
2017 онд чөлөөт бөхийн дэлхийн аварга шалгаруулах тэмцээний 125 килограмм жинд алтан медаль
2018 онд чөлөөт бөхийн Европын аварга шалгаруулах тэмцээний 125 килограмм жинд алтан медаль
2019 онд цэргийн их наадмын чөлөөт бөхийн тэмцээнээс алтан медаль
2019 онд чөлөөт бөхийн Европын аварга шалгаруулах тэмцээний 125 килограмм жинд алтан медаль
2019 онд чөлөөт бөхийн дэлхийн аварга шалгаруулах тэмцээний 125 килограмм жинд мөнгөн медаль
2021 онд онд чөлөөт бөхийн Европын аварга шалгаруулах тэмцээний 125 килограмм жинд алтан медаль

М.Лхагвагэрэлтэй хүрэл медалийн төлөө барилдах Акгул Таха гэж хэн бэ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.