32 дахь удаагийн “Токио-2020” зуны олимпын наадмын чөлөөт бөхийн тэмцээн үргэлжилж байна.

Чөлөөт бөхийн эрэгтэйчүүдийн -65 килограмм жинд Монгол Улсын шигшээ багийн тамирчин Т.Тулга өрсөлдөж, эхний барилдаандаа ялагдал хүлээлээ. Тэрбээр дэлхийн аварга, Азийн хошой аварга Японы бөх Такүто Отогүротой эхний барилдаанаа хийж, 6:2 харьцаатай ялагдсан байна.

Барилдааны эхний үед Такүто Отогүро Т.Тулгын ард гарч, хоёр оноо авсан бөгөөд хоёрдугаар үеийн эхлэлд мөн ард нь гарч онооны харьцааг 4:0 болгожээ. Үеийн төгсгөлд Т.Тулга идэвхтэй барилдан нэмж хоёр оноо авсан ч цаг дууссан юм.

Хэрэв Такүто Отогүро финалд шалгарвал Т.Тулга дагаж барилдах боломжтой болно.