“Токио-2020” олимпын наадамд оролцсон тамирчид эх орондоо ирлээ. Олимпын жүдо бөхийн -73 килограмм жинд Монгол Улсаа төлөөлөн оролцож, хүрэл медалийн эзэн болсон ОУХМ Ц.Цогтбаатар сэтгэгдлээ хуваалцсан юм.

Тэрбээр “Цаг ямагт тусалж, дэмжиж байсан багш, Сүлд спорт хороо, Ус сувгийн удирдах газар, “Наран мандал” компанийн хамт олондоо баярлалаа. Мөн хайрт ээж, хань, ах нар,эгч нартаа маш их талархсан сэтгэгдлээ илэрхийлмээр байна. Оно Шохейг ялах боломжтой байсан. Дараагийн тэмцээнд ялах болно. Ирэх 2024 оны олимпоор медалийн өнгөө өөрчилж, та бүхнийгээ олон жил баярлуулах болно” гэлээ.

Ц.Цогтбаатар олимпын жүдо бөхийн эрэгтэйчүүдийн -73 килограмм жингийн эхний барилдаанаа Гвинейн тамирчин Мамадоу Самбатай хийж, цэвэр ялалт байгуулсан. барилдаанаа Гвинейн тамирчин Мамадоу Самбатай хийж, цэвэр ялалт байгуулсан. Улмаар шөвгийн 16-д Монакогийн жүдоч Сидрик Бесситэй барилдаж, мөн л цэвэр ялсан юм. Хэсгийн аваргын төлөө Косовогийн Гжаковат таарч, вазари үнэлгээгээр өрсөлдөгчөө буулгаж авсан юм. Харин шөвгийн дөрөвт Японы жүдоч Оно Шохейд ялагдал хүлээсэн. Улмаар хүрэл медалийн төлөө Канад Улсын жүдоч Артур Маргелидонтой барилдаж, 32 секундын дотор цэвэр ялсан билээ.