“Токио-2020” олимпын наадмын боксын төрлийн -57 килограмм жинд Монгол Улсыг төлөөлж, өрсөлдсөн гавьяат тамирчин Э.Цэндбаатар ОХУ-ын Олимпын хорооны тамирчин Алберт Батыргазиевт 3:2 харьцаатайгаар ялагдсан. Тулааныг дэнсэлсэн Куба Улсын шүүгчийг шударга бус шүүсэн гэж үзэн Монголын шигшээ баг тоглолтын үр дүнг эсэргүүцэж, албан ёсоор ОУОХ-нд гомдол гаргасан. Улмаар тулааныг дахин аудитороор хянасан юм.

Тэгвэл ОУОХ-ноос Э.Цэндбаатар, А.Батыргазиев нарын тулааныг “Шударга болсон” тухай мэдэгдэл МҮОХ-нд хүргүүлжээ. Хоёр тамирчны тулааныг ОУОХ-ны нэг мэргэжилтэн, хоёр аудитор хянаж, зөв, шударга шүүлт хийсэн гэх үнэлгээ гаргасан байна.