32 дахь удаагийн “Токио-2020” зуны олимпын наадмын чөлөөт бөхийн эмэгтэйчүүдийн 68 килограммын жинд Монгол Улсын гавьяат тамирчин, олимпын наадмын хүрэл медальт, дэлхийн хошой аварга С.Батцэцэг оролцож, шөвгийн дөрөвт барилдахаар болсон. Тэгвэл уншигч та бүхэнд С.Батцэцэгийн Нигери Улсын тамирчин Блессин Обрудудугийн тухай баримтуудыг хүргэж байна.

“Африк тивийн ялагдашгүй аварга” хочит Блессин Обрудуду 32 настай Нигери Улсын чөлөөт бөхийн тамирчин. Тэрбээр Африк тивийн аварга шалгаруулах тэмцээнд 2010 оноос хойш 10 жил түрүүлсэн юм. Блессин Обрудуду болон С.Батцэцэг нар 2016 оны Риогийн олимпын наадмын хоёрдугаар шатанд таарч, Монгол Улсын гавьяат тамирчин С.Батцэцэг ялалт байгуулж байсан билээ.

Блессин Обрудуду “Токио-2020” зуны олимпын наадмын чөлөөт бөхийн 68 килограммын жингийн эхний барилдаанаа Азербайжаны Маналова Элисийн эсрэг хийж, 13:2 онооны харьцаатай давсан. Улмаар шөвгийн наймд Киргизстан бөх Жуманазарова Мээримтэй таарч, 3:2 харьцаатайгаар ялалт байгуулсан байна.