Эрүүл мэндийн яамнаас коронавирусийн нөхцөл байдал, дархлаажуулалтын талаар мэдээлэл өглөө. Энэ үеэр Эрүүл мэндийн яамны Нийтийн эрүүл мэндийн бодлогын хэрэгжүүлэлтийг зохицуулах газрын дарга Л.Энхсайхан “Халдварын тархалт буурч, амны хаалтаас татгалзаж байсан улс орнууд "дельта" хувилбарын вирусийн тархалт нэмэгдэж байгаатай холбоотойгоор дахин амны хаалтыг зүүж байна. Тухайлбал, АНУ коронавирусийн эсрэг дархлаажуулалтад бүрэн хамрагдаж, 14 хоносон иргэдээ амны хаалт зүүхгүй байж болно гэж байсан ч дельта хувилбар тархаж эхэлсэнтэй холбоотойгоор амны хаалт зүүхийг дахин зөвлөх болсон. Монгол Улсад ч энэ төрлийн вирусийн тохиолдол бүртгэгдсэн учир иргэд аль болох эрсдэлээс урьдчилан сэргийлэх шаардлагатай. Тамхи татдаг болон илүүдэл жинтэй хүмүүс “Ковид-19”-өөр өвдвөл хүндрэх эрсдэл их байна.  Тиймээс эрсдэлээс урьдчилан сэргийлж эрүүл мэнддээ анхаарах хэрэгтэй. Хэрэв дотоод орчинд ажиллаж байгаа бол агаарын солилцоог сайн хийж, амны хаалтаа тогтмол зүүх нь зүйтэй” хэмээлэ