32 дахь удаагийн “Токио-2020” зуны олимпын наадам долоо дахь өдрөө үргэлжилж байна.

   Буудлагын 25 метрийн эмэгтэйчүүдийн төрөлд оролцож буй Хөдөлмөрийн баатар О.Гүндэгмаа өчигдрийн байдлаар 283 оноо авч 38 дугаар байрт жагсаж байсан. Харин өнөөдөр хурдан буудлагаас 295 оноо авч, нийлбэр дүнгээр 578 оноо, буудлагадаа 9.633 голчилж, 26 дугаар  байрт шалгарлаа. Тэрбээр долоо дахь олимподоо оролцсон юм.

Түүний оролцсон олимпын наадам, гаргасан амжилтууд

•  “Атланта-1996” 25 метрийн буудлагын төрөлд тавдугаар байр
• “Сидней-2000” 25 метрийн буудлагын төрөлд зургадугаар байр
• “Афин-2004” 25 метрийн буудлагын төрөлд зургадугаар байр
• “Бээжин-2008” 25 метрийн буудлагын төрөлд мөнгөн медаль
• “Лондон-2012” 25 метрийн буудлагын төрөлд 27 дугаар байр
• “Рио-2016” 25 метрийн буудлагын төрөлд 12 дугаар байр эзэлсэн юм.