32 дахь удаагийн “Токио-2020” зуны олимпын наадмын зургаа дахь өдрийн тэмцээнүүд эхэллээ. Өнөөдөр буюу долдугаар сарын 29-нд Монгол Улсыг төлөөлж, дөрвөн тамирчин олимпын наадмын спортын хоёр төрөлд өрсөлдөх юм.

08:00 цагаас эмэгтэйчүүдийн 25  метрийн хийн гар бууны төрөлд чансаа тогтоох буудлага эхэлсэн. Уг төрөлд “Бээжин-2008” олимпын мөнгөн медальт О.Гүндэгмаа болон Ц.Анударь нар оролцож байгаа.

10:00 цагаас жүдо бөхийн барилдаанууд эхэлнэ. Эрэгтэйчүүдийн -100 килограмм жинд Монгол Улсын тамирчин Л.Отгонбаатар эхний тойрогтоо Эстонийн жүдоч Григори Минаксинтай таарсан. Харин эмэгтэйчүүдийн -78 килограмм жинд О.Мөнхцэцэг шигшээ 32-т Израилийн тамирчин Инбар Ланиртай барилдах юм.