32 дахь удаагийн “Токио-2020” зуны олимпын наадмын жүдо бөхийн -81 килограмм жинд Монгол Улсын тамирчин, дэлхийн аварга Саид Моллай Япон Улсын жүдоч Таканори Нагасэтэй алтан медалийн төлөө барилдаж, нэмэлт цагт ялагдал хүлээж, олимпын наадмын мөнгөн медаль хүртсэн билээ. Шагналт байруудад орсон тамирчдын медалийг олгож, шагналыг цэцэг гардуулдаг уламжлалтай. Тэгвэл Монгол Улсыг төлөөлөн оролцсон Саид Моллайд Монгол Улсын Ерөнхийлөгч асан Х.Баттулга шагналын цэцгийг нь гардуулж өглөө.

Ташрамд дурдахад, олимпын наадмын мөнгөн медальт, дэлхийн аварга Саид Моллай Х.Баттулгыг Ерөнхийлөгч байх үед Монгол Улсын иргэншлээ авсан билээ.