32 дахь удаагийн “Токио-2020” зуны олимпын наадам гурав дахь өдрөө үргэлжилж байна.

Жүдо бөхийн эрэгтэйчүүдийн -73 килограмм жингийн хүрэл медалийн төлөө ОУХМ Ц.Цогтбаатар Канад Улсын жүдоч Артур Маргелидонтой барилдаж, 32 секундын дотор цэвэр яллаа. Тэрбээр Монгол Улсын шигшээ багийн хоёр дахь олимпын медалийг хүртэж байна.

ОУХМ Ц.Цогтбаатар -73 килограмм жингийн эхний барилдаанаа Гвинейн тамирчин Мамадоу Самбатай хийж, цэвэр ялалт байгуулсан. Улмаар шөвгийн 16-д Монакогийн жүдоч Сидрик Бесситэй барилдаж, мөн л цэвэр ялсан юм. Хэсгийн аваргын төлөө Косовогийн Гжаковат таарч, вазари үнэлгээгээр өрсөлдөгчөө буулгасан билээ. Харин шөвгийн дөрөвт Японы жүдоч Оно Шохейд ялагдаад байсан юм.