32 дахь удаагийн “Токио-2020” зуны олимпын наадам гурав дахь өдрөө үргэлжилж байна.

Жүдо бөхийн эрэгтэйчүүдийн -73 килограмм жинд барилдсан ОУХМ Ц.Цогтбаатар шөвгийн дөрөвт олимп, дэлхийн аварга, Япон Улсын тамирчин Оно Шохейтэй таарч, ялагдал хүлээлээ. Тэрбээр хүрэл медалийн төлөө барилдаанд Канадын Артур Маргелидонтой барилдана.

ОУХМ Ц.Цогтбаатар -73 килограмм жингийн эхний барилдаанаа Гвинейн тамирчин Мамадоу Самбатай хийж, цэвэр ялалт байгуулсан. Улмаар шөвгийн 16-д Монакогийн жүдоч Сидрик Бесситэй барилдаж, мөн л цэвэр ялсан юм. Харин хэсгийн аваргын төлөө Косовогийн Гжаковат таарч, вазари үнэлгээгээр өрсөлдөгчөө буулгасан билээ.