Монгол Улсын Хөдөлмөрийн баатар О.Гүндэгмаагийн дасгалжуулагч Л.Ундралбат 32 дахь удаагийн “Токио-2020” зуны олимпын наадамд өвөрмөц үсний засалттай оролцжээ. Тухайлбал, Гавьяат дасгалжуулагч Л.Ундралбат Монгол Улсын тусгаар тогтнол, бүрэн эрхт байдлыг илтгэсэн алтан соёмбо болон хүн төрөлхтний эв найрамдлын бэлгэ тэмдэг болсон олимпын наадмын таван цагаригаар үсний засалтаа өөрчилсөн байна.

“Токио-2020” олимпын наадмыг сурвалжилж буй гаднын сэтгүүлчдийн анхаарлыг түүний өвөрмөц үсний засалт татаж, нэр, зургийг авч болох эсэхийг асууж байгаа хүний цуваа тасрахгүй байгаа гэнэ.