“Токио-2020” олимпын наадамд оролцож буй Монголын сагсан бөмбөгийн 3х3 төрлийн эмэгтэй баг өнөөдөр хоёр дахь тоглолтоо Америкийн шигшээ багтай хийж, 21:9 онооны харьцаатай ялагдал хүлээжээ. Уг тоглолтод Э.Чимэддолгор гурван удаа хоёроос оруулсан байна.

    Мөн өнөөдөр эхний тоглолтоо Италийн багтай хийж 15:14 онооны харьцаатайгаар хожигдсон. Уг тоглолтод Б.Солонго долоо оноо авч, багаа тэргүүлсэн юм.

     Монголын 3х3 сагсан бөмбөгийн олимпын багийн бүрэлдэхүүнд Б.Солонго, О.Хулан, М.Цэрэнлхам, Э.Чимэддолгор нар багтаж байгаа. Тэд маргааш 09:15 цагт Япон, 13:00 цагт Оросын олимпын хорооны багтай тоглох хуваарьтай. Харин нөгөөдөр буюу долдугаар сарын 26-нд 09:40 цагаас Румын, 16:30 цагт Францын багтай тоглох аж.  Мягмар гараг буюу долдугаар сарын 27-нд 12:55 цагаас Хятадын багтай тоглосны дараа хагас шигшээд шалгарах эсэх нь шийдэгдэнэ. “Токио-2020” олимпын наадмын 3х3 сагсан бөмбөгийн тэмцээн таван өдөр үргэлжилж, долдугаар сарын 28-нд медалийн төлөө тоглолтууд зохион байгуулагдаж, аваргууд тодрох юм.