• Өнөөдөр 2024-04-20

“Парис-1900” зуны олимпын онцлох баримт

2021-07-23,   562

   Орчин үеийн зуны олимпын хоёрдугаар их наадам 1900 оны тавдугаар сарын 14-нөөс аравдугаар сарын 18-ны хооронд үргэлжилжээ. Тус наадамд 24 орны 1000 орчим тамирчин оролцсон байна. Мөн Олон улсын олимпын хорооноос эмэгтэйчүүд олимпод оролцохыг албан ёсоор хүлээн зөвшөөрөөгүй байсан ч гольф, талбайн теннис, дарвуулт завины уралдаанд анх удаа эмэгтэйчүүд оролцжээ. Ингэснээр олимпын наадмаас алтан медаль хүртсэн анхны эмэгтэй тамирчин хэн бэ гэсэн маргаан дэгдсэн байна. Тухайн үед, талбайн теннисний төрөлд Английн тамирчин Шарлотт Купер, гольфын төрөлд Америкийн тамирчин Маргарет Эботт, дарвуулт завины уралдаанд Швейцарийн тамирчин Хелен де Пурталес нар алтан медаль авч байжээ.

   Парист зохиогдсон зуны олимпын хоёрдугаар наадмын өөр нэг онцлог бол анхны багийн спортын тэмцээнийг зохион байгуулсан явдал билээ. Олимпын хөтөлбөрт орсон анхны багийн спорт бол хөл бөмбөг юм. “Парис-1900” олимпын хөл бөмбөгийн аварга багаар Английн шигшээ баг тодорч байжээ.

Б.Бадамзул


“Парис-1900” зуны олимпын онцлох баримт
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2024 © Зохиогчийн эрх хуулиар хамгаалагдсан. Мэдээлэл хуулбарлах хориотой.