Америкийн Үндэсний сагсан бөмбөгийн холбооны 2020-2021 оны улирлын аварга шалгаруулах цуврал дуусаж, дорнод бүсийн “Милуоки Бакс” баг аваргын цом өргөв. Тэгвэл финалын үнэ цэнтэй тоглогчийн шагналыг “Грек мангас” хочит Яннис Антетокоунмпо хүртжээ. Тэрбээр аваргын төлөөх цувралын зургаа дахь тоглолтод 50 оноо авалт, 14 самбараас бөмбөг авсан үзүүлэлттэй байна.

Ташрамд дурдахад, “Милуоки Бакс” баг АҮСБХ-ны 1970-1971 оны улиралд аваргын цом өргөж, алдарт сагсан бөмбөгч Карим Абдул-Жаббар финалын үнэ цэнтэй тоглогч болж байсан юм.