Америкийн үндэсний сагсан бөмбөгийн холбооны 2020-2021 оны улирлын аварга шалгаруулах цуврал тэмцээн өндөрлөж, “Милуоки Бакс” баг 4:2 харьцаатайгаар “Финикс Санс” багийн хожиж8 аварга болов.

Цувралын зургаа дахь тоглолт “Милуоки Бакс” багийн талбайд болж, талбайн эзэд 105-98 онооны харьцаатайгаар өрсөлдөгчөө буулгаж авчээ. Тоглолтод “Милуоки Бакс” багийн лидер Яннис Антетокоунмпо 42 минут тоглож, 50 оноо, 14 самбараас бөмбөг авалт гэсэн сайн тоглолт үзүүлсэн бол “Финикс Санс” багийн лидер Крис Пол 39 минут тоглож, 26 оноо авсан байна.

Аваргын төлөөх цувралын эхний хоёр тоглолтод “Финикс Санс” баг ялалт байгуулаад байсан ч “Милуоки Бакс” баг ийнхүү дөрвөн тоглолт дараалан хожиж, багийн түүхэн дэх хоёр дахь аваргын цомыг өргөлөө.