Олон улсын олимпын хороо болон Олимпын наадмыг зохион байгуулагчийн зүгээс олимпын наадамд оролцогч үндэсний олимпын хороодод галт бамбарыг олгодог. Үүнтэй холбоотойгоор ээлжит зуны олимп “Токио-2020” наадмын галт бамбарыг Монголын үндэсний олимпын хороонд гардуулж, өгчээ.

Ээлжит зуны олимпын наадам долдугаар сарын 23-наас наймдугаар сарын 8-ныг хүртэл, паралимпын наадмыг наймдугаар сарын 24-нөөс есдүгээр сарын 5-ны хооронд үргэлжлэх юм.

Ташрамд дурдахад, зуны олимпын наадмыг 1964 онд Япон Улсын нийслэл Токио хотод байгуулснаас хойш 57 жилийн дараа дахин зохион байгуулж байгаа билээ.