“Токио-2020” 32 дахь удаагийн зуны олимпын наадмын боксын төрөл энэ сарын 24-нөөс наймдугаар сарын 8-ний өдрүүдэд үргэлжилнэ. Монгол Улсыг төлөөлж, ээлжит зуны олимпод оролцох боксын тамирчид Япон Улсыг зорьжээ.

Тодруулбал, “Токио-2020” наадмын боксын төрөлд эрэгтэйчүүдийн 57 кг жинд үндэсний шигшээ баг, ШШГЕГ-ын харьяа “Сүлд” спорт хороо болон “Ажнай” корпорацийн тамирчин, Монгол Улсын гавьяат тамирчин Э.Цэндбаатар, эрэгтэйчүүдийн 63 кг жинд үндэсний шигшээ б аг, Зэвсэгт хүчний “Алдар” спорт хороо болон “Капитрон” банкны тамирчин, ОУХМ Б.Чинзориг, эмэгтэйчүүдийн 75 кг жинд үндэсний шигшээ баг, Уулын баяжуулах “Эрдэнэт” үйлдвэрийн “Хангарьд” спорт хорооны тамирчин, ОУХМ М.Мягмаржаргал нар эх орноо төлөөлөн хүчээ сорих юм.

Өчигдөр буюу долдугаар сарын 15-ны өдөр  Монголын боксын холбооны ерөнхийлөгч, Хөдөлмөрийн баатар Т.Мөнхбаяр Монгол Улсыг төлөөлж, “Токио-2020” наадмын рингэнд гарах тамирчид болон дасгалжуулагч М.Буянжаргал, О.Батхүү нарыг үдэн гаргажээ.