МУГТ Ц.Шаравжамцын хүү Ш.Энхийн-Од NBA-д тоглосон Монголын анхны тамирчин болох зорилготой өдгөө АНУ-д сурч, бэлтгэл сургуулилтаа хийж байгаа билээ. Тэрбээр сагсан бөмбөгийн "The Battle" тэмцээнд "Midwest" багийн бүрэлдэхүүнд тоглон, оролцож буй. Тэгвэл өнөөдөр түүний баг NBA-ийн супер од Леброн Жэймсийн том хүү Броннигийн баг "Strive For Greatness"- ийн эсрэг тоглолоо. Уг тоглолтод Ш.Энхийн-Одын баг 99:97 харьцаатайгаар Броннигийн багийг хожив.  

Энэхүү тоглолт Леброн Жэймсийн сурч байсан Акрон хотын Сент-Винсет-Сент-Мэри ахлах сургуулийн зааланд зохион байгуулагдсан бөгөөд домогт Леброн Жэймс өөрийн биеэр ирж, хүүгээ дэмжжээ. NBA-ийн гурван удаагийн аварга Дэнни Гриний зохион байгуулж буй “The Battle: Summer Showcase” хэмээх тэмцээний хүрээнд дээрх хоёр баг тоглож, Ш.Энхийн-Од баг ялалт байгууллаа.