• Өнөөдөр 2021-07-23

Ц.ДУЛАМСҮРЭН: Цахим наадмыг хойшлуулъя гэвэл нэг жилээр хойшлуулах нь ЗӨВ

2021-06-21,   520

      Монгол Улсын Тод Манлай уяач, МҮМУУХ-ны дэд тэргүүн Ц.Дуламсүрэн улсын баяр наадмыг цахимаар тэмдэглэж, аймаг сумдын баяр наадмыг тэмдэглэхгүй болсонтой холбогдуулан хэвлэлийн хурал хийлээ.


Тэрбээр “Монголын үндэсний морин уралдаан уяачдын холбоо гэдэг бол эгэл жирийн уяач, малчдын холбоо. Тиймээс бид баяр наадмыг цахимаар тэмдэглэх, аймаг, сумдын баяр наадмыг тэмдэглэхгүй болсонтой холбогдуулан цахимаар ард иргэдээс санал асуулга авсан. Ард түмэн жирийн малчин иргэд Улсын баяр наадам болон аймаг сумдын баяр наадмыг нэгэн зэрэг тэмдэглэх хүсэлтэй байна. Аймаг сумдын баяр наадамд хөдөөний малчид нь морио уяж, сумын заанууд нь барилдаж, жинхэнэ ард түмэн нааддаг. Тиймээс Улаанбаатар хотод Улсын баяр наадмыг тэмдэглэхтэй хамт долдугаар сарын 11-12-нд бүх аймаг сумдынхаа орох гарах хөдөлгөөнийг хааж байгаад тус бүрдээ баяр наадмаа нэгэн зэрэг хийгээсэй гэж хэлмээр байна. Тэгвэл жинхэнэ тэгш эрхтэй байж, Монголын ард түмэн бүгд наадаж чадна. Хамгийн гол нь иргэд зөвхөн орон нутагтаа наадах учраас халдвар тархах эрсдэл ч буурна гэж үзэж байна. Цахим наадмаа хойшлуулах талаар бас яриа гарч байна. Наймдугаар сард наадам болно гэдэг бол боломжгүй зүйл, морь уралддаг цаг биш мөн намрын ажил эхэлсэн байна. Хэрэв цахим наадмаа хойшлуулах юм бол нэг жилээр хойшлуулах хэрэгтэй" гэлээ.


Ц.ДУЛАМСҮРЭН: Цахим наадмыг хойшлуулъя гэвэл нэг жилээр хойшлуулах нь ЗӨВ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 1
  • Сэтгэгдэл үлдээсэн: 2021-06-22 09:22:31
    svnhvat: 8 sard id ajiln ve shv de daraa jil hisen deeree
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, XI хороолол, 14193-Их тойруу 43, "N tower" V давхар 501-2 тоот
7509-1188