Хэллоуины баяраар өөр дүрд хувирахаас гадна, аймшгийн жигтэй уур амьсгалыг мэдрэх нь уг баярыг өнгө оруулдаг билээ. Эргэлт.мн сайт сүнсний баярын уур амьсгалыг мэдрүүлэх, дурсамж сэдрээсэн арван киног онцолж байна.

1.      Гялбаа- Shining (1980)

Дэлхийн шилдэг киноны тоонд зүй ёсоор багтдаг, аймшгийн киноны жагсаалтад дээгүүр ордог “Shining” бүтээлийг онцолж байна. Үл тайлагдам, нууцлаг үйл явдлаар дүүрэн уг киног сүнсний баяраар үзэхийг санал болгож байна.  

2.      Зул сарын өмнөх хар дарсан зүүд- Night before Christmas (1993)

Сүнсний баярт амьдардаг Жак, зул сарын баяр байдгийг олж мэднэ. Анх удаа зул сарын баярыг тэмдэглэхийг хүсэх ч хүссэнээр нь болохгүй. Уг хүүхэлдэйн хачиг жигтэй уур амьсгалыг гэр бүлээрээ сууж үзэхэд ч тохиромжтой.

3.      Хайчин гарт Эдвард-Edward Scissorhands (1990)

Хайчин гартай ч, сайхан сэтгэлтэй Эдвард хүний нийгэмд амьдрах тийм ч таатай санагдахгүй. Гадаад дүр төрх, дотоод сэтгэл хоёрын ялгаа, хүний зан араншинг маш сайн тусгасан бүтээл.

4.      Чарли Браун ба аварга хулуу- It’s the Great pumpkin, Charlie Brown (1966)

Чарлигийн найз Лайнус хэллоуины орой аварга хулуу ирдэг хэмээг итгэж бүхэл шөнөжин хүлээнэ. Итгэл, үнэмшил, найз нөхөрлөлийн үнэ цэнийг мэдрүүлсэн уг бүтээлийг хүүхэд гэлтгүй том хүн үзсэн ч сэтгэлд нь хүрэх бүтээл билээ.

5.      Каспер- Casper (1995)

Сүнсний баярыг сүнсгүй тэмдэглэж болно гэж үү. Кино ертөнцийн хамгийн өхөөрдөм сүнс гэвэл Касперийг нэрлэх байх. Хүүхэд насны дурсамж шингэсэн, өхөөрдөм сүнстэй ахин нэг уулзаж болно шүү дээ.

6.      Харри Поттер ба Азкабаны хоригдол- Harry potter and the prisoner of Azkaban (2004)

Харри Поттер цувралын уг ангийн зэвхий хүйтэн зураглал, Дементоруудаас хэллоуины уур амьсгал мэдрэгддэг. Хэзээ ч үзсэн хуучирдаггүй “Харри Поттер” цувралын уг ангийг онцолж байна.  

7.      Үхсэн сүйт бүсгүй- Corpse Bride (2005)

Америкийн найруулагч Тим Бартоны уг бүтээлээс жихүүцэм өнгө аясыг мэдрэхээс гадна, хайр сэтгэл, хүнлэг байдлыг тусгасан бүтээл юм.

8.Франкенвийни- Frankenweenie (2012)

Бид өнгөрснийг буцааж чадахгүй. Тэр дундаа үхсэн хүнийг ахин амилуулж чадахгүй. Шинжлэх ухааны авьяастан Виктор харамсалтайгаар өнгөрсөн нохойгоо амилуулахаар шийднэ. Зохиолч Мэри Шеллигийн Франкенштэйн бүтээлээс сэдэвлэсэн уг хүүхэлдэйг гэр бүлээрээ үзэхийг санал болгож байна.

9. Нойрмог хөндий- Sleepy Hollow (1999)

Зохиолч Майн Ридийн “Морь унасан толгойгүй хүн” зохиолоос сэдэвлэсэн, жүжигчин Жонни Деппийн дүр бүтээсэн уг киног хэллоуины орой үзэхэд тохиромжтой.  

10. Коралайн- Coraline (2009)

Товчин нүдэн Коралайн хүүхэлдэй гарсан даруйдаа өөрийн өнгө төрх, жигтэй хийцээрээ үзэгчдийн сэтгэлд хүрч чадсан билээ. Коралайны нууц ертөнцөд зочилж, гэр бүлийн үнэ цэнэ, халуун хайр ямар их хэрэгтэй вэ гэдгийг харуулсан уг хүүхэлдэйг ахин нэг үзэхийг санал болгож байна.