“Марвел” студи болон “Sony” нарын хамтран бүтээсэн “Spider-Man: No Way Home” кино нэг өдрийн дотор 1.6 сая ам.долларын орлого олж, олсон ашгаараа “Avatar” киног гүйцэж, Америкийн хамгийн их ашиг орлого олсон кинонуудын жагсаалтын III байрт бичигдэж эхэлжээ.

          “Spider-Man: No Way Home” киноны дотоодын орлого 760.9 сая ам.долларт хүрсэн байна. Харин “Avatar” кино нь 2010 оны хоёр үзвэрээрээ нийт 760.5 сая ам.долларын ашиг олж байв. Одоогийн байдлаар  “Spider-Man: No Way Home” кино дэлхий даяар нийт 1.8 тэрбум ам.долларын орлого олоод байгаа бөгөөд БНХАУ-ын кино театруудад нээлтээ хийх болоогүй байгаа юм.

“Марвел”-ын супер баатар хүн аалзын ээлжит “Spider-Man: No Way Home” кинонд жинхэнэ төрхөө олон нийтэд мэдэгдсэн хүн аалз доктор Стрейнжээс тусламж хүссэн ч, шидийн шившлэгт алдаа гарч, өөр олон ертөнцөөс ирсэн дайснуудтай тулалддаг.