Хоёрдугаар сарын 14-н. Энэ бол хосуудын өдөр. Хайрт хосууд нэгэндээ сэтгэлээ илчилж, хамгийн сайхан дурсамжаа хамтдаа бүтээх жилийн нэгэн өдөр билээ. Тиймээс бид  хосууд дарс нам гүмхэн орчинд дарс шимэн суугаад үзвэл зохих кинонуудыг танилцуулж байна.

The Fault in Our Stars 

Хүнд өвчтэй өсвөр насны охин магадгүй үхлээ л хүлээж өдөр хоногийг өнгөрүүлдэг. Түүний хажуугийн байшин нэгэн залуу нүүж ирснээр амьдрал нь сонирхолтой болж эхэлнэ. Охины чин хүсэл гадаад ертөнцтэй танилцах, далай үзэх. Энэ хүслийг хөршийн залуу биелүүлэх бөгөөд өвчнөө ч умартан аялалд гарах болсон шалтгаан нь ердөө л хайр, итгэл сэтгэд, байлаа. Энэхүү сэтгэл хөдөлгөм хайрын түүх хосууд хамьдаа үзээд хайртынхаа гарыг атгаж, үргэлж хамт шүү гэж хэлмээр мэдрэмж төрнө гэдэг итгэлтэй байна.

Me before You

Ажил, хөдөлмөр нь  амжилттай явсан залуу тэргэнцэр рүү шилжиж хөгжлийн бэрхшээлтэй болдог. Үүнээс нь болоод түүний сэтгэлийн гал нь бөхөж, амьдрах итгэлээс алдарна. Гэвч залуугийн амьдрал нэгэн ид шидийн мэт гайхалтай зүйл тохиолдоно. Буурал ервопын уйтгартай амьдралд гэр бүлийн санхүүгийн асуулдалтай залуу бүсгүй ажлаасаа халагдсан нь нэг бодлын хувь тохиол гэлтэй. Хэрвээ тэр ажлаасаа халагдаагүй бол баян айлд тэргэнцэртэй залууг асрахаар очихгүй л байлаа. Хоёр өөр ертөнц, хоёр өөр нийгэм нэг байшинд хамт байх үед зөрчил үүснэ. Гэвч энэ зөрчил гайхамшигтай хайрыг бий болгож байгааг тэд яаж мэдэх билээ? Тэгээд ч хайр сэтгэлд нийгмийн гарал угсаа, зааг ялгаа гэж байдаггүй.

50 First Dates

Өмнөх өдөр нь өөрт чинь үнсүүлсэн бүсгүй, маргааш нь чамайг танихгүй байсан ч гэсэн чи түүнийг насан туршдаа хайрлаж чадах уу. Өдөр бүрийг өмнөх шигээ сануулахын тулд шүү дээ. Машины осолд ороод ой санамжаа мартдаг өвчтэй болчихсон бүсгүйд дурласан залуу түүнийг насан туршдаа үнэнч хайрлахын тулд яг л анх танилцсан өдрийнх шигээ дурсамжийг үргэлж түүнд сануулах хэрэгтэй болдог. Хөгжилтэй, гунигтай, адармаатай бахархмаар хайрын түүхийг энэ киноноос үзээрэй.

Titanic

Энэ киноны талаар бараг мэдэхгүй хүн байхгүй биз. Хэд ч үзсэн уйдхааргүй гайхалтай бүтээл. 1912 онд үйлдвэрлэгдсэн дэлхийн хамгийн  тансаг чамин хөлөг онгоц анхны замдаа гараад осолдож 1517 зорчигч амь насаа алдсан эмгэнэлт явдалаас сэдэвлэн бүтээжээ. Хөлөг онгоцон дээр учирсан гайхалтай учрал болон эмгэнэлт хагацлыг харуулсан давтагдашгүй уран бүтээл гэж хэлж боломоор гайхалтай кино юм.

About Time

Хэрвээ та цаг хугацаагаар аялж чаддаг байсан бол өнгөрсөн рүүгээ буцаад бүхнийг өөрчлөх байсан хүн байна уу. Магадгүй үнэхээр боломжтой байсан бол маш олон хүмүүс өнгөрсөн дурсамжаа өөрчлөх байсан байх. Энэхүү кинонд удам дамжсан онцгой чадвартай залуу, заяаны ханьтайгаа учирч хуримаа хийх болно. Гэвч тэр үеэс залуу онцгой чадварынхаа талаар мэднэ. Улмаар өнгөрсөн рүүгээ очоод алдаа бүрээ залруулахыг хичээх боловч амьдралд болох ёстой зүйлс болдгоороо л болдог гэдгийг ойлгож авч чадах уу болов уу.