Эргэлт.мн мэдээллийн сайт уншигчдынхаа амралт, танин мэдэхүйд зориулж, “Movie Insider” агентлагаас танилцуулсан 2022 онд нээлтээ хийх онцлох 12 киног танилцуулж байна.

“Ambulance”

          2022 оны хоёрдугаар сарын 18-нд нээлтээ хийх “Ambulance” киног үзэгчдийн сайн мэдэхээр “Transformers” киноны найруулагч Майкл Бэй найруулж байгаа. “Ambulance” киног Майкл Блэйн гайхалтай үйл явдлуудыг цэгцтэй найруулж, ирэх оны шилдэгт өрсөлдөхөд итгэлтэй байгаа талаар кино шүүмжлэгчид санал бодлоосоо хуваалцжээ. Кинонд эхнэрийнхээ мэс засалд шаардлагатай мөнгийг олохоор нэгэн малын эмч залуу найзтайгаа нийлэн банк дээрэмдэхээр болно. Улмаар түргэн тусламжийн автомашин барьцаалснаар үйл явдал эхлэх юм.

Гол дүрүүдэд: Жейк Жилленхол, Яхья Абдул-Матин II, Эйза Гонзалес, Гаррет Диллахунт, Кейр О'Доннелл, Мозес Инграм, Хосе Пабло Кантильо, Кайли Тран

"The Batman"

          Нэрт жүжигчин Роберт Паттинсоныг Бэтмэний дүрд тоглохыг сонссон дэлхийн сая сая үзэгчдийн хүлээлт ирэх оны гуравдугаар сарын 4-нд эцэс болно. Одоогийн байдлаар олон нийтэд цацаад байгаа трейлерүүдээс харахад хороот санаатнуудын харгис, хэрцгий түүхээс үзэгчид хүлээж байсан шигээ сайхан зүйл харж, баярлаж чадахгүй ч байж магад.

Гол дүрдүүдэд: Роберт Паттинсон, Зое Кравиц, Энди Серкис, Жеффри Райт, Барри Кеогхан, Питер Сарсгаард, Жон Туртурро, Пол Дано, Колин Фаррелл

"The Contractor"

          Жүжигчин Крис Пайны дүр бүтээсэн тулаант кинонууд сүүлийн жилүүдэд эрчээ авч байна. Үүний нэгэн адил Крис Пайны гол дүрийг нь бүтээж буй 2022 оны гуравдугаар сарын 18-нд нээлтээ хийх "The Contractor" ч кино урлагт цойлох боломжтой. Кинонд нууц далгавраар хилийн чанадыг зорьсон тусгай ажилтны түүхийг өгүүлнэ.

Гол дүрүүдэд: Крис Пайн, Бен Фостер, Флориан Мунтеану, Гилиан Жейкобс, Кифер Сазерланд, Эдди Марсан, Жэй Ди Пардо

"The Lost City"

          Тулаант кинонд инээдмийн төрлийг нэмбэл ямар үр дүнтэйг кино урлагийн түүхээс үзэгчид андахгүй мэднэ. Кинонд ширэнгэн ойд хүн хулгайлах оролдлогод өртсөн хосын романтик түүхийг өгүүлэх юм.

Гол дүрүүдэд: Сандра Баллок, Чаннинг Татум, Даниел Рэдклифф, Патти Харрисон, Оскар Нунез, Да'Вайн Жой Рандолф

“Bullet Train”

          Төсөөлөөд үз дээ. Брэд Питт, Бад Бүнни хоёрын гол дүрийг нь бүтээж байгаа эл киног Дэвид Лейч найруулж байгаа шүү дээ. Кинонд Токиогийн хурдны галт тэргэнд өөр өөр зорилготой орсон таван алуурчны түүхийг харуулах гэнэ.

Гол дүрүүдэд: Брэд Питт, Сандра Баллок, Жои Кинг, Эндрю Кожи, Брайан Тайри Хенри, Майкл Шеннон, Аарон Тейлор-Жонсон, Хироюки Санада, Бад Бүнни

“John Wick: Chapter 4"

          Дээд зэрэглэлийн алуурчин Жон Уикийн цувралын ээлжит киног 2022 оны тавдугаар сарын 27-нд хүлээн авч үзэх нь ээ.

Гол дүрүүдэд: Киану Ривз, Донни Йен, Билл Скарсгард, Лауренс Фишберн, Хироюки Санада, Шамиер Андерсон, Лэнс Реддик, Рина Саваяма

“Top Gun: Maverick”

          “Top Gun” кино анхны ангиасаа хойш 30 жилийн дараа дараагийн ангиа гаргаж байна. Маверик Круз өөрийн дор шинэ нисгэгчдийг сургаж байгааг харуулах шинэ анги 2022 оны тавдугаар сарын 27-нд үзэгчдийн хүртээл болно.

Гол дүрүүдэд: Том Круз, Женнифер Коннелли, Майлс Теллер, Эд Харрис, Вэл Килмер, Глен Пауэлл, Жей Эллис, Моника Барбаро, Жон Хамм

"Jurassic World: Dominion"

          Үлэг гүрвэлийн шүтэн бишрэгчид баяртаа бэлдэхийг анхааруулж байна. “Юрийн галав”-ын шинэ анги айсуй.

Гол дүрүүдэд: Крис Пратт, Брайс Даллас Ховард, Даниэлла Пинеда, Кристоффэр Полаха, Омар Си, БД Вонг, Сэм Нилл, Жефф Голдблюм, Лаура Дерн

"Shotgun Wedding"

          Женнифер Лопезийн дүр бүтээсэн ээлжит тулаант, инээдмийн "Shotgun Wedding" кино ирэх оны зургадугаар сарын 29-нд нээлтээ хийнэ. Тэрбээр энэ удаад гэр бүлийнхээ хамт барьцаалагдсан сүйт бүсгүйн дүрийг бүтээх аж.

Гол дүрүүдэд: Женнифер Лопез, Жош Дюхамел, Женнифер Кулидж, Ленни Кравиц, Сониа Брага, Д'Арси Карден, Десмин Боргес, Чич Марин

“Thor: Love and Thunder”

          “Марвел”-ын супер баатар Тор бурхан ганцаарчилсан дөрөв дэх киногоороо үзэгчидтэй уулзах нь ээ. Түүний хуучин найз бүсгүй аянгын бурхны алхыг өргөх үнэ цэнтэй болж, харин Тор бурхан үнэ цэнгүй болох аж. “Thor: Love and Thunder” кино 2022 оны долдугаар сарын 8-нд үзэгчдийн хүртээл болно.

Гол дүрүүдэд: Крис Хемсворт, Натали Портман, Тайка Вайтити, Тесса Томпсон, Кристиан Бэйл, Карен Гиллан, Рассел Кроу

“Mission: Impossible 7”

          Нэрт жүжигчин Том Круз “Биелэгдэшгүй даалгавар” киноныхоо ээлжит ангиар эргэн ирэх нь ээ. Энэ удаад хуучин ангиудад гарсан хорон санаатнууд дахин гарч ирэх гэнэ. “Mission: Impossible 7” кино 2022 оны есдүгээр сарын 30-нд нээлтээ хийнэ.

Гол дүрүүдэд: Том Круз, Ребекка Фергюсон, Хэйли Атвелл, Ванесса Кирби, Пом Клементьефф, Саймон Пегг, Винг Раймс

“Black Panther: Wakanda Forever”

          “Марвел”-ын “Хар ирвэс” Т’Чаллагийн дүрийг бүтээсэн Чадвик Боземан өөд болсноос хойш хүн бүр уг киног гарахгүй гэж бодож байлаа. Тэгвэл “Хар ирвэс”-ийн ээлжит кино “Ваканда үүрд” нэртэйгээр 2022 оны арваннэгдүгээр сарын 11-нд нээлтээ хийхээр боллоо. Одоогийн байдлаар тус киноны талаар кино багаас албан ёсны мэдэгдэл хийгээгүй ч үзэгчид “Ваканда үүрд” кинонд Вакандагийн эмэгтэйчүүд гол үүргийг гүйцэтгэн тоглох таамаглал дэвшүүлээд байгаа юм.

Гол дүрүүдэд: Лупита Нионго, Данай Гурира, Летитиа Райт, Даниел Каалуя, Уинстон Дюк, Мартин Фриман, Доминик Торн, Майкла Коэл, Анжела Бассетт