Монгол Улсын Ерөнхийлөгчийн сонгуульд ХҮН-аас нэр дэвшигч Д.Энхбат коронавирусийн халдвар авсан. Одоогоор биеийн байдал ямар байгаа талаар мэдээлэл хийлээ. Тэрбээр “Би хөдөө орон нутаг руу явахдаа бусдын адил шинжилгээ өгсөн. Харин шинжилгээний хариу бүгд сөрөг гарсан учир намайг сурталчилгаанд явахыг Сонгуулийн ерөнхий хорооноос зөвшөөрсөн. Би халдвар тараагаагүй. Харин орон нутгаар явж байгаад халдвар авчихлаа.

    Би Улаанбаатар хотоос 26 км зайд амьдардаг. Дөрөвдүгээр сарын 8-аас тавдугаар сарын 10 хүртэл хөл хориотой байсан. Тус хугацаанд би Улаанбаатар хот орж чадаагүй. Тийм учраас хөл хорио тавигдсан өдөр вакцин хийлгэсэн. Харин хоёр дахь тунгаа өнгөрсөн сарын 29, 30 өдөр хийлгэх ёстой байсан. Тэр үед сонгуулийн сурталчилгаа эхэлчихсэн,  ачаалал ихтэй байсан учир эмч “Ачаалал ихтэй үед вакцин тариулаад дэмий” гэж хэлсэн. Хөдөө явахад миний шинжилгээний хариу сөрөг байсан бол хөдөөгөөс ирэхэд эерэг буюу халдвартай гарлаа. Манай эхнэрийн бие зүгээр байгаа. Бид хоёрт ямар ч шинж тэмдэг илрээгүй. Надтай хамт ажиллаж байгаа бүх хүн вакциныхаа хоёр дах тунгаа хийлгэсэн. Надад хоёр сонголт байсан. Харин би 10 хоног сонгуулийн сурталчилгаа хийгээд коронавирусийн халдвар авч, эрсдэлээ өөрөө үүрч байна"  гэлээ.