Ц.Оюунгэрэлийг Ардчилсан намын даргын сунгаанаас нэрээ татсан гэх мэдээлэл цахим орчинд тархсан. Энэ талаар Ц.Оюунгэрэл “Би Ардчилсан намын даргын сунгаанаас нэрээ татаагүй. Энэ талаар ямар ч хүсэлт гаргаагүй. Би сонгуульд оролцох хүсэлтэй байна. Дотоод сонгуулийн хороог даргалж байгаа И.Мөнхжаргалд "Хоёр, гурван зүйл хууль зөрчиж байна" шүү гэдгийг анхааруулсан захиа бичсэн.

Нэгдүгээрт, Дотоод сонгуулийн хорооны даргын сонгуулийн тов зарлах ёстой. И.Мөнхжаргалын гарын үсэгтэй сонгуулийн товонд өнөөдөр сонгуулийн сурталчилгаа эхлэнэ гэсэн албан бичиг байхгүй. Нэр дэвшигчид болон олон нийтэд мэдэгдэхгүйгээр өнөөдөр сонгуулийн сурталчилгааг зарим хүнд нээж өгч, давуу байдал олгож байна. Хоёрдугаарт, И.Мөнхжаргалын надад болон бусад нэр дэвшигчид илгээж байгаа тэмдэг эдрээтэй байгаа. Хоёрдугаар сарын 11-нд Өдрийн сонины зараар хүчингүйд тооцогдов гээд зарлагдсан дугаартай тэмдэг дарж надад бичгийн хариу өгсөн. Гуравдугаарт,  хүчингүйд тооцов хэмээх тэмдгийг ашиглаж Хас банканд данс нээлгэсэн. Тухайн дансаараа дамжуулж 93 сая төгрөгийг авъя гэх мессеж явуулсан. Би тухайн мэдээллийн дагуу данс шалгуулах эрхээ эдэлж намайг дэмжиж өгсөн иргэдийн мөнгийг хууль бус ашиглуулахгүй тулд Хас банк руу албан бичиг хүргүүлсэн. Одоогоор хариу ирээгүй байна. Улс төрийн намын тухай хуулинд заасан зарчмаар сонгууль хийвэл тууштай оролцоно гэдгээ илэрхийлсэн” гэлээ.