Н.Номтойбаяр цаг үеийн асуудлаар мэдээлэл өглөө. Тэрбээр “Ерөнхий сайд Хууль зүй, дотоод хэргийн сайдыг томилох, чөлөөлөх бүрэн эрхтэй. Гэхдээ хуулийн нарийн зохицуулалт байх ёстой. Хууль зүй, дотоод хэргийн сайдыг солих болсон шалтгааны өчигдөр өөрөө хэлсэн. Тэр нь нүүрсний хулгайн асуудал байсан. Энэ нь нэг талдаа зөв. Улс төрийн эрх мэдлийн өрсөлдөөн болж байхад яагаад нүүрсний хулгайн асуудал хөндөгдөөд байгаа юм бэ. Г.Занданшатарыг УИХ-ын дарга байхад нь нүүрсний сонсгол, Хөгжлийн банкны сонсгол болсон. Тэр үедээ юу ч хэлээгүй, яриагүй байж өчигдөр мэдэх болов. Нүүрсний хулгайн асуудалд хулгай байна уу, үгүй юү гэдгийг тодорхой болгох хэрэгтэй. Шүүхээр Т.Аюурсайхан Б.Ганхуяг нар ял авсан. Улс төрийн өрсөлдөөн болгонгуут хэн нэгнийг хулгайч болгодог хэрэгсэл болгочихлоо. 76 гишүүнтэй УИХ-ын үед МАН 62 хүний суудалтай байсан. 126 дотор улс төрийн эрх мэдэлд хяналт тавих бланс харьцангуй тэнцвэржиж эхэлсэн. Авлигатай тэмцэнэ гэдэг Ардын намтай тэмцэнэ гэсэн үг. Нүүрсний хулгай, Хөгжлийн банкны хулгайн асуудлыг хавтсыг үзүүлчихээд хаачихаад байгаа. Одоо хуудас бүрийг нь үзэх хэрэгтэй” гэлээ.