МАН-ын VIII Бага хуралдаан Тусгаар тогтнолын ордонд болж өндөрлөлөө. Энэ үеэр Монгол Ардын намын даргад нэр дэвшүүлэх тухай хэлэлцлээ. Намын даргад УИХ-ын дарга Д.Амарбаясгалан, Ерөнхий сайд Г.Занданшатар нар нэр дэвшин, мөрийн хөтөлбөрөө танилцуулж, бодлогын мэтгэлцээнийг хийсний дараа санал хураалт явуулсан. Санал хураалтаар Д.Амарбаясгалан 56.1, Г.Занданшатар 43.9 хувийн саналыг авч, аль нэг нь гуравны хоёр хувь буюу 66 хувийн саналаа авч чадаагүй. Иймд тооллогын комиссоос гаргасан журмаар, Улс төрийн намын тухай хуулийн зүйл заалт буюу намын үйл ажиллагаандаа баримталдаг саналыг нууцаар хураалт явуулсан байна.

     Энэ үеэр хуралдаан түр завсарлаж, Дархан, Сэлэнгэ аймгаас ирсэн Бага хурлын гишүүдийг хуралдаанд оролцуулахгүй хаалга түгжсэн гэх мэдээлэл цахим орчинд түгсэн. Тэгвэл уг асуудалд нэр дурдагдсан УИХ-ын гишүүн Батлах хамгаалахын сайд Д.Батлуттай холбогдож өөрөөс нь тодрууллаа. Тэрбээр "Цахим орчинд тарсан шиг хүн цоожилсон асуудал гараагүй. Цоожлуулаад байж байдаг хүн ч гэж юу байх вэ. Намын бага хурлын гишүүн Бүдээхүү тодорхой бичсэн байна лээ" гэх тайлбар өглөө.