МАН-ын Бага хурлын үйл явцын талаар МАН-ын гишүүдээс сэтгүүлчид тодрууллаа. Энэ үеэр УИХ-ын гишүүн Х.Булгантуяа “Манай намын дүрмийн дагуу удирдах зөвлөл нь бага хурлаа зарладаг. Олон хоног цахимаар улстөрчдийг, ард түмнийг  талцуулсан ажил хийх юм бол төрийн ажил хэцүүдэх юм байна. Намын зовлонг төрийн зовлон болгож, ард түмэн дээр ачаалал өгч болохгүй. Тэгэхээр асуудлаа хурдан шийдэх ёстой. Манай нам үргэлж өрсөлдөөнтэй байсан. Хамгийн сүүлд Л.Оюун-Эрдэнийг МАН-ын дарга болоход өрсөлдөөнгүй болж байсан байх. Манайхан хурлаа хийчихвэл гайгүй болцгоодог” гэв.