• Өнөөдөр 2026-07-02

МАН-ЫН ДАРГЫН СУНГААНД ЕРӨНХИЙ САЙД “БҮДЭРВЭЛ” ХАМТАРСАН ЗАСГИЙН ГАЗАР ХАЛААГАА ӨГНӨ

2025-09-23,   1549

     МАН-ын даргын өрсөлдөөн нэлээд ширүүсч, өндрөө авч байгаад намжлаа. Өөрөөр хэлбэл, УИХ-ын дарга Д.Амарбаясгалан МАН-ын даргад нэр дэвшинэ гэдгээ албан ёсоор зарлаж, нөгөө талаас Ерөнхийлөгч Ерөнхий сайд Г.Занданшатарыг зүтгүүлснээр үе хоорондын өрсөлдөөн өндрөө авч, хүчийг үзүүлсэн.

       Хэдийгээр аль аль нь Ерөнхийлөгчийн хүн гэгдэх ч үе хоорондын “зодоон”, өмнөх Засгийн газрыг унахад үгэн дотор үг нууж сануулга өгсөн зэргээс харахад Ерөнхийлөгч яалт гүй Г.Занданшатарыгаа эрчимтэй зүтгүүлж байгаа нь илт байлаа. Цаашлаад намын даргын өрсөлдөөн улам бүр ширүүсч, МАН цагаан байрыг хэсэг хотолзуулаад авсан нь ч үнэн.  Дүү нартаа сануулга өгөхдөө МАН-ын байрнаас баривчилгааг эхлүүлж, хариуд нь УИХ-ын дарга гурван дарааллан улс төрийн мэдэгдэл гаргах хүртлээ өндрийг авч байлаа.
 
      Ийн МАН-ын даргын суудлын өрсөлдөөн эд дундаа халуурч бүлээрч, улс төрийн хямралд хүргэх хэмжээнд хүртлээ ширүүсч байгаад өнгөрсөн амралтын өдрүүдэд намын Удирдах зөвлөлөө хуралдуулж, Бага хурлаа товолсноос хойш арай гэж намжаад байна. Нэг ёсондоо МАН-ын байранд хуучин, залуу үеийнхэн нүүр нүүрээ харж суугаад хуралдснаас гадна Ерөнхийлөгч, УИХ-ын дарга, Ерөнхий сайд нарын хүйтэрч байсан харилцаа арай зөөлөрсөн бололтой.

    Хэрэв зээ энэ байдлаараа УИХ-ын дарга Ерөнхийлөгчтэй ойлголцолд хүрвэл МАН-ын багачууд дотроо дор бүрнээ талцаад байх ямар шаардлагагүй болж, явсан жишиг, дадсан заншлаараа нам дотроо саналаа хайрцаглаад эв найртайгаар гар барилцаад намын даргаар сонгосноор улс төрийн зодоон дуусах нь тодорхой.

         Харин намын дарга Ерөнхий сайд байх уу гэдэг МАН-ын хуучин дүрэм хэвээр үйлчлэх үү гэдэг нь гол сэдэв болж үлдэх нь. Одоогийн нөхцөл байдал дээр олон хүн "Намын дарга нь Ерөнхий сайд байх албагүй" гэж удаа дараа тайлбарлаж байгаа ч зарчмаасаа ухрахгүй л болов уу. Тиймдээ ч Саарал ордонд Ерөнхий сайд МАН-ын даргын сунгаанд “бүдэрвэл” одоогийн хамтарсан Засгийн газар унаж, шинэ Засаг бүрдэнэ гэх яриа ч гарах болжээ. Тэр байтугай дараагийн Засгийн газрын бүтэц зурагдаж, сайдын сургаар гишүүдийн хөл хөнгөрөөд эхэлсэн сурагтай. Мэдээж одоогийн хамтарсан Засгийн газарт хамгийн их хэл ам дагуулж байгаа ХҮН намын сайд нарын суудлыг эхний ээлжинд чөлөөлөх асуудал яригдаж байгаа бол нөгөө талдаа АН-тай дахин хамтрах уу гэдэг хувилбар ч байгаа юм байна. МАН хүчээ сулруулахгүйн тулд сөрөг хүчнээ зөөлрүүлж, намын төлөөллийг Засагт багтаах нь хамгийн боломжит хувилбар гэж тооцоолсон бололтой.
 
     Төрийн ордонд чих зөөлөнтэй сайдын суудалд санаархаж суугаа гишүүдийн нэг нь УИХ-ын гишүүн Ц.Даваасүрэн . Төсвийн хэлэлцүүлэг болгоноор дуулиан тарьдаг болсон Бяслагны үйлдвэрээ яриад эхэлсэн байх. Ингэхдээ тэрбээр “Бяслагны үйлдвэрийн мөнгийг би идээд алга болно гэж юу байх вэ” хэмээн яриад эхэлсэн байна лээ.
 
       Түүний араас сайдын суудалд яригдаж байгаа бас нэг хувилбар нь УИХ-ын гишүүн Ч.Номин гэх бор шувуу Саарал ордноор нисэх болжээ.       
Тэр тусмаа Засгийн газарт уригдаж орсон ИЗЗН-ынхан хамтарсан Засгийн газраас гарах асуудал ч сөхөгдөөд эхэлсэн. Өөрөөр хэлбэл Байгаль орчин уур амьсгалын өөрчлөлтийн яамыг хариуцсан ИЗНН-ын дарга Батын Батбаатар ЗГХЭГ-ын дарга С.Бямбацогттой түнжин хагарсан гэх шуум бий. Өөрөөр хэлбэл, Байгаль орчин, уур амьсгалын өөрчлөлтийн яамны Төрийн нарийн бичгийн даргын албан үүргийг түр орлон гүйцэтгэгчээр Т.Золбаярыг томилсон. Харин энэ албан тушаалд ЗГХЭГ-ын дарга С.Бямбацогтын баз Д.Батцогт ажиллаж байсантай холбоотой аж. Улмаар Төрийн нарийн бичгийн албан тушаалд ЗГХЭГ-ын дарга С.Бямбацогт өөрийн хүнээ зүтгүүлэх хувилбарыг ярьнаар уг томилгоог зөвшөөрөөгүй юм байна.
 
      Ингээд ИЗНН-ын дарга хамтарсан Засгийн газраас гарах асуудлыг сөхөж эхэлсэн гэх яриа бий.Засагт засвар оруул МАН-ынхан хуучин сайд нараа ч сэлгэж магадгүй гэнэ. Тэр тусмаа хоёр Засгийн газарт улирч суугаа сайд нараа сольж магадгүй юм байна. Тухайлбал, Эрчим хүчний сайд Б.Чойжилсүрэн Зам тээврийн хөгжлийн сайд Б.Дэлгэрсайхан нар “давхар дээл”-ээ тайлах цаг болсон гэх яриа МАН-ынхан дунд гарч эхэлжээ. Эрх баригч МАН-ынхны хувьд намын даргаа томилох, Их хурлаа хуралдуулах гээд дотроо эрх мэдлийн “зодоон” чимээгүй хэрнээ ширүүхэн өрнөж байгаа. Тиймээс сайд нарын халаа сэлгээний асуудлыг ИЗНН-аар далимдуулж хийх сураг бий.

МАН-ЫН ДАРГЫН СУНГААНД ЕРӨНХИЙ САЙД “БҮДЭРВЭЛ” ХАМТАРСАН ЗАСГИЙН ГАЗАР ХАЛААГАА ӨГНӨ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 6
  • Сэтгэгдэл үлдээсэн: 2025-09-25 20:32:21
    Иргэн: Түгжил Бямбацогт одоо болно доо.Эбиг ЕӨК байхад өрөөнд нь байдаг ыайсан гэж Ордон ярьдаг.Хэн хэрэгтэй түүнд л очно
  • Сэтгэгдэл үлдээсэн: 2025-09-23 09:43:18
    Зочин: ANUSDI BOOB XXI ALNI SEXSEER VANXANI SEXSDI80955877
  • Сэтгэгдэл үлдээсэн: 2025-09-23 09:00:48
    Зочин: Засаг солигдоод ч МАН бодлогогуй учир тер данхар, чадваргуй, хариуцлагагуй хэвээр бна!!! Цаг алдахаар еерцгуй!
  • Сэтгэгдэл үлдээсэн: 2025-09-23 08:49:42
    А: ЗАСАГ СОЛИГДОХ ХЭРЭГТЭЙ. БЯМБАЦОГТ, ДЭЛГЭРСАЙХАН, ЧОЙЖИЛСҮРЭН, ЭНХ-АМГАЛАН, ДАВААСҮРЭН ГЭЭД ГАРААС НЬ ЮМ ГАРДАГГҮЙ ХЭДЭН ХАЛТАРУУДААСАА САЛ
  • Сэтгэгдэл үлдээсэн: 2025-09-23 08:45:40
    Bataa: Жавхлан пиздаг зайлуулаач. Чингис хаан банкыг зарлаач
  • Сэтгэгдэл үлдээсэн: 2025-09-23 08:35:17
    зочин: 10 хувь Даваасүрэн сайд болох ямар гавьяа байгуулсан юм. Тендер будилуулна, төсвийн мөнгийг цүнх баригч нартайгаа нийлж иднэ. энэ өөр юу хийхийн?
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2026 © Зохиогчийн эрх хуулиар хамгаалагдсан. Мэдээлэл хуулбарлах хориотой.