Ардчилсан намын даргын сунгаанд нэр дэвшигчид өнөөдөр 18:00 цагаас өмнө Дотоод сонгуулийн хороонд хүсэлтээ өглөө. Тэгвэл Ардчилсан намын даргын сунгаанд нэр дэвшигч Ж.Баярмаа дөнгөж сая хүсэлтээ өгсөн юм. Улмаар даргын сунгаанд нэр дэвшигчдээс 200 сая төгрөгийн хандив авч байгаа талаар УИХ-ын гишүүн Ө.Шижир цахим хаягтаа мэдэгдсэн билээ.

       Энэ талаар УИХ-ын гишүүн Ж.Баярмаа "Аливаа арга хэмжээнд санхүүжилт шаардагдана. Бид даргаа сонгосны дараа намын Их хурлаа хийнэ. Тэгэхээр намын даргыг ёсчлон баталжладаг. Мөн Ардчилсан намын дүрмийг хэлэлцэж байгаа учраас тодорхой санхүүжилт хэрэгтэйй байна. Хэдэн төгрөг ч нэхсэн намын үйл ажиллагаанд зарцуулагддаг. Нэр дэвшигчид өөрсдөө мөнгөө төлдөг учраас хяналтаа сайн тавина. Тэгэхээр гарах ёстой мөнгө гардагаараа гарна" гэлээ.