Засгийн газрын ээлжит хуралдаан өнөөдөр хуваарийн дагуу болж, улс орны нийгэм, эдийн засгийн хөгжил, ард иргэдийн аюулгүй байдалтай шууд холбоотой хэд хэдэн чухал асуудлыг хэлэлцэж байна. Хуралдаанаар хэлэлцэж буй гол асуудлуудын нэг нь хар тамхи, мансууруулах болон сэтгэцэд нөлөөлөх бодистой тэмцэх арга хэмжээний хэрэгжилт, үр дүн юм. Сүүлийн жилүүдэд мансууруулах бодисын хууль бус эргэлт, хэрэглээтэй холбоотой гэмт хэргийн тоо өсөх хандлагатай байгаа талаар холбогдох байгууллагууд мэдээлж буй. Тиймээс энэ чиглэлээр авч хэрэгжүүлж буй бодлого, хууль эрх зүйн шинэчлэл, урьдчилан сэргийлэх арга хэмжээг эрчимжүүлэх, олон улсын хамтын ажиллагааг өргөжүүлэх шаардлагатай байгааг онцолж байна.

Мөн хуралдаанаар дараах асуудлуудыг авч хэлэлцэв. Үүнд:

“Хөгжлийн төслүүдийн хэрэгжилтийг эрчимжүүлэх, ач холбогдол, үр нөлөөгөөр нь эрэмбэлэн, зарим төслийн хэрэгжилтийг хойшлуулах арга хэмжээний тухай” Засгийн газрын тогтоолын төсөл.

Улсын төсвийн хөрөнгө оруулалтын үр ашиг, ач холбогдлыг нэмэгдүүлэхийн тулд хэрэгжилт удаашралтай төслүүдийг эрэмбэлж, зохицуулалт хийх асуудал. Улсын хэмжээнд хэрэгжүүлж байгаа төсөл, хөтөлбөрийн салбар дундын уялдааг хангах.

Давхардал, зардлын алдагдлыг багасгах зорилгоор төрийн байгууллагуудын хамтын ажиллагааг сайжруулах талаар. Орон сууцны санхүүжилтийн орчныг боловсронгуй болгох.

Иргэдийг орон сууцаар хангах бодлогыг уян хатан, хүртээмжтэй болгох санхүүгийн шинэ боломжуудыг хэлэлцэж байна. Гэдэсний халдварт өвчин, хоолны хордлогын нөхцөл байдал.

Сүүлийн өдрүүдэд нэмэгдэж буй уг өвчлөлтэй холбоотойгоор урьдчилан сэргийлэх, хяналт, арга хэмжээний талаар танилцаж байна. “Эрдэнэс Тавантолгой” ХК-ийн үйл ажиллагаа.

Тавантолгойн уурхайн олборлолт, тээвэрлэлт болон Гашуунсухайт-Ганцмод боомтын хил дамнасан төмөр замын бүтээн байгуулалтын явцыг Ерөнхий сайдын танилцуулга хэлбэрээр сонслоо. Засгийн газрын өнөөдрийн хуралдаанаар дээрх асуудлуудыг хэлэлцэж, цаашдын арга хэмжээний чиглэл, хэрэгжилтийг сайжруулах шийдвэр, чиглэлийг гаргахаар төлөвлөж байна.