Засгийн газрын ээлжит бус хуралдааны шийдвэрийг танилцууллаа. ЗГХЭГ-ын дарга С.Бямбацогт "Төсвийн хөрөнгийг үр агшигтай болгож, төрийн албыг, цомхон болгох асуудлыг хэлэлцлээ. Өмнөх Засгийн газар 22 сайдтай байсан бол 19 сайдтай болсон. Мөн  60 орчим Үндэсний хорооноос 30 орчмыг нь татан буулгаж байна. Мөн яамдын орон тоог цөөлж, 16 яамны 1900 гаруй орон тооны 20 орчим хувийг нь цомхтгож байна. 

     Хоёрдугаарт, хэлэлцсэн асуудал нь 2019 оны Үндсэн хуулийн өөрчлөлтөөр баялагтаа эзэн болох хуулийг хийсэн. Үүний хүрээнд 2024 Үндэсний баялгийн сангийн хуулийг хэрэгжүүлэх, үр дүнтэй байлгах үүднээс Стратегийн орд газрын тодорхой хувийг төр эзэмшнэ. Төр эзэмшсэн хувиасаа иргэддэд өгдөг болох асуудлыг хэлэлцэж байгаа. 2024 оны 88 дугаар тогтоолоор стратегийн ордуудыг шинээр тогтоох, үүсмэл ордуудын хувь эзэмшлийг тогтоох зэрэг заалтыг энэ тогтоолд тусгасан. Үүний хүрээнд Бүрэн эрхт төлөөлөгч томилж, Н.Учрал сайдаар ахлуулсан ажлын хэсэг томилсон. Энэ ажлын үр дүнг нягталж, удаашралтай ажлыг хурдлуулах зорилгоор ажлын хэсэг байгууллаа" гэлээ.