УИХ-ын чуулганы нэгдсэн хуралдаан эхэллээ. Хуралдаанаар УИХ-ын дарга Д.Амарбаясгалан Гаалийн албан татвараас чөлөөлсөн гурилын импорттой холбоотой асуудлаар танилцуулга хийлээ.  

 Тэрбээр “Гаалийн албан татвараас чөлөөлсөн гурилын импорттой холбоотой асуудал өмнө нь УИХ-аар орж хэлэлцэгдээд, 64 гишүүний дэмждэг авч чадаагүй унасан.  Иймд Хүнс хөдөө аж ахуй хөнгөн үйлдвэрийн сайд Ж.Энхбаярт уг тогтоолыг дахин өргөн мэдүүлэхийг УИХ-ын даргын зүгээс үүрэг болгосон. УИХ дээр Гаалийн албан татвараас гурилыг чөлөөлсөнтэй холбоотойгоор үүсэн нөхцөл байдал хоёр талтай. Мэдээж дотоодын үйлдвэрлэгч нарт хүндрэл учирч байна. Улаан буудай тариаланчдад тодорхой хэмжээний хүндрэл үүсэж байна. Нөгөө талдаа хэрэглэгчдэд үнийн өсөлт гэх дарамт ирдэг учир тодорхой хэмжээний зохицуулалт хий гэж үүрэг өгсөн. 

 Үүнтэй холбогдуулан Ж.Энхбаяр сайд Гаалийн албан татвараас чөлөөлсөн шийдвэрийг зохицуулалт хийж өргөн барихад Гаалийн албан татварын хуульд хүндрэлтэй байна. Тийм учраас энэ хуулиа өмнө өргөн барьсан төслийг хэвээр үлдээе. Хууль батлагдсантай холбогдуулан авч хэрэгжүүлэх арга хэмжээний тухай” Улсын Их Хурлын тогтоол батлах хүсэлт тавьсан. Тийм учраас 2024 онд Гаалийн албан татвараас чөлөөлөх хууль батлагдаж байх үед дагаж гарсан тогтоолыг хүчингүй болохыг тогтоож, шинээр энэ хуульд тогтоолийн төсөл өргөн барьж батлуулъя гэх хүсэлтийг тавьсан. Үүнийг хүлээж авч үзэх нь зүйтэй гэж үзсэн учир яаралтай горимоор УИХ-ын чуулганаар хэлэлцэх гэж байна” гэлээ.