УИХ-ын гишүүн, Үндэсний эвсэлийн тэргүүн Н.Номтойбаяраас Засгийн газарт хамтран ажиллах эсэх талаар мэдээлэл өглөө.

      Тэрбээр "Үндэсний эвсэл Удирдах зөвлөлийн хурлаа хараахан зарлаагүй байна. Эргэлзээтэй зүйлүүд байна, энэ тухай мэдээллийг авах хэрэгтэй байна. Надад ирсэн мэдээллээр Ерөнхий сайд Г.Занданшатар Төрийн байгуулалтын байнгын хорооны хуралдааны дараа УИХ дахь МАН-ын бүлэг нь хуралдах юм байна. Уг хурлын дараа Ерөнхий сайдтай биечлэн уулзана. Надаад асуух зүйлүүд байна. Мэдээлэл дутуу байна. Засгийн газрын бүтэц нь яах юм. МАН-ын ерөнхий нарийн бичгийн дарга Я.Содбаатарын мэдээллийг сонслоо. Засгийн газрын бүтэц хэвээр явах юм байн. 2025 оны төсөвт тодотгол хийхдээ шинэ Засгийн газрыг цомхон байлгах Удирдах зөвлөлийн шийдвэр гарсан юм байна. Тодруулах зүйлүүд байна. Миний хувьд хэд хэдэн асуудлыг хөндөж ярина. Төсвийн тодотголоор хоёр, гурван их наяд төгрөгийг хасна гэж байна. Тэгэхээр төрийн тансаглал, үргүй зардал байхгүй болно гэсэн үг. Авлигатай, эдийн засгийн аргаар болон эрүүгийн хуулиар хамтарч тэмцэх хэрэгтэй.  МАН дотооддоо зөрчилтэй байгаа. Завсарын Засгийн газар бүрдэх гэж байгаа бол үүнд би юунд нь яаран орох вэ" гэлээ.