МАН-ын Удирдах зөвлөлөөр Засгийн газрын бүтэц бүрэлдэхүүний асуудлыг хэлэлцсэн. Удирдах зөвлөлийн хуралдаанаас гаргасан шийдвэрийг МАН-ын Ерөнхий нарийн бичгийн дарга Я.Содбаатар танилцууллаа. Тэрбээр "Засгийн газрын бүрэлдэхүүнд оролцох сайд нарын танилцуулгыг Удирдах зөвлөлд танилцууллаа. Сайдад нэр дэвшигч нарыг Удирдах зөвлөлийн гишүүд дэмжлээ. Ерөнхий сайд Удирдах  зөвлөлд танилцуулахдаа хэд хэдэн зарчимд үндэслэснээ танилцуулсан.

        Өнөөдрийн дэлхий нийтийн олон улсын нөхцөл байдал, эдийн засгийн хүндэрлүүдийг харгалзан дэвшүүлсэн. Улмаар парламентад суудалтай намуудтай хамтарч ажиллаж, нэг монгол, нэгдсэн бодлоготой байхыг урилсан. Улмаар МАН-ын VI хурлын шийдвэрийн дагуу өмнө нь хамтарч байгаад гэрээ зөрчснөөс бусад намуудтай хамтрахаар болсон. Ерөнхий сайд Засгийн газрын бүтэц бүрэлдэхүүнд өөрчлөлт оруулахгүй, төсвийн тодотголтой хамт бүтцийн өөрчлөлт хийнэ. Мөн Үндэсний хороодын сайд нарыг томилохгүй байх шийдвэр гаргалаа. Тэгэхээр Засгийн газрын бүрэлдэхүүн багасна гэсэн үг.  Мөн УИХ-аар баталсан 2024-2028 оны Засгийн газрын үйл ажиллагааны мөрийн хөтөлбөрт өөрчлөлт оруулна гэсэн.  Тиймээс асуудлаа мэдэж байгаа зарим сайдыг үлдээнэ гэж мэдэгдсэн. Өнөөдөр хүн сольж, сандал ширээ солих шаардлагагүй гэж үзсэн. Энэ бол Ерөнхий сайдын бүрэн эрхийн асуудал" гэлээ.