Ерөнхий сайдын хүү О.Тэмүүлэн АТГ-т мэдүүлэг өгсөн асуудлаар АТГ-аас мэдээлэл хийлээ.

АТГ-ын комиссар Б.Билэгт "2025 оны тавдугаар сарын 13-нд Ерөнхий сайд Л.Оюун-Эрдэнэ болон түүний хүүтэй холбоотой асуудлаар нэр бүхий иргэд АТГ-т гомдол гаргасан.

Гомдлыг хүлээн авч, хяналт шалгалт хийлээ. Үүнийхээ хүрээнд холбогдох этгээдүүдээс тайлбар авах, баримт авах зэргээр шалгалсан. Шалгалтын ажиллагаа үргэлжилж байна. Хяналт шалгалтын ажил явж байгаа учраас тухайлсан мэдээлэл өгөх боломжгүй. Авилгын эсрэг хуулийн 13.4-т заасны дагуу Ерөнхий сайдыг Засгийн газрын тэргүүний хуваарь хөрөнгө орлогын мэдүүлэгт нь хяналт шалгалт хийж эхэлсэн" гэлээ.