Долоо хоног бүрийн даваа гарагт УИХ дахь намын бүлгүүд хуралддаг. Өнөөдөр Ардчилсан намын бүлгийн хуралдаан 10:00 цагт “Их Эзэн Чингис хаан” танхимд хуралдахаар товложээ. Харин УИХ дахь МАН-ын бүлэг хуралдахгүй бол 11:00 цагт УИХ-ын чуулганы нэгдсэн хуралдаан болно. Үүнд дараах ажлын хэсгүүд хуралдахаар товложээ.

Эдийн засгийн байнгын хороо: “Монгол Улсын хөгжлийн 2026 оны төлөвлөгөө батлах тухай” Улсын Их Хурлын тогтоолын төслийг хэлэлцүүлэгт бэлтгэх үүрэг бүхий ажлын хэсгийн хуралдаан

Төсвийн байнгын хороо: Төсвийн тогтвортой байдлын зөвлөлийн хараат бус, бие даасан, байнгын ажиллагааг хангахад чиглэсэн эрх зүйн орчин болон бүтцийг боловсронгуй болгох асуудлыг судлан, санал боловсруулах үүрэг бүхий ажлын хэсгийн хуралдаан

УИХ-ын даргын 2025 оны 210 дугаар захирамжаар байгуулагдсан: Улсын Их Хурлын 2007 оны 27 дугаар тогтоолын хэрэгжилттэй танилцаж, санал, дүгнэлт гаргах үүрэг бүхий ажлын хэсгийн хуралдаан

УИХ-ын даргын 2024 оны 85 дугаар захирамжаар байгуулагдсан: Хот, суурин газрыг орон сууцжуулахад ногоон санхүүжилтийн тогтолцоог бүрдүүлэх, холбогдох эрх зүйн орчныг сайжруулах чиглэлээр санал, дүгнэлт гаргах, холбогдох хуулийн төсөл боловсруулах үүрэг бүхий ажлын хэсгийн хуралдаан болно.