Цаг үеийн асуудлаар УИХ-ын гишүүн Ч.Лодойсамбуу мэдээлэл өглөө. Тэрбээр “МАН-ын бага хурлаас шийдвэр гараад хамтарсан Засгийн газаргүй ажиллахаар шийдвэл эсвэл Ерөнхий сайд ажлаа өглөө гэж бодоход эцсийн шийдвэрийг парламент гаргана. Ерөнхий сайд ажлаа өгөх өргөдөл өгсөн ч УИХ заавал хэлэлцэнэ. УИХ хэлэлцэхдээ Ерөнхий сайдыг авч үлдээч гэдэг асуудал яригдаж байгаа. Парламентийн гишүүд Ерөнхий сайдыг хэвээр үлдээнэ гэж үзээд сүүлийн хоёр хоног мөнгөтэй холбоотой асуудлыг эрчимжүүлж байна. Үүнд хоёр их наяд төгрөг зарцуулж байна гэсэн сураг сонссон. 2018 оны ЖДҮ-гийн асуудал шиг түүх давтагдаж байна. Би намынхаа нөхдийн ажил хийх хүсэл, эрмэлзлийг хүндэтгэж байгаа. Харин ардчилал, эрх чөлөөний суурь зарчмуудыг эсэргүүцэж байна” гэв.