УИХ-ын гишүүн Ж.Баярмаа цаг үеийн асуудлаар сэтгүүлчдэд байр сууриа илэрхийллээ. Тэрбээр "Засгийн газрын үндсэн ажил нь тархи угаах болчихсон юм уу гэж зарим иргэн шүүмжлэлтэй хандаж байгаатай санал нийлж байна. Асуудал яаж үүссэн бэ гэдгээ үргэлж санах хэрэгтэй. Бид Ерөнхий сайдын хүүхдийн өмнөөс найз охин руу нь бэлэг явуулаагүй. Тэгэхээр хэнийг буруутгаад байгааг ойлгохгүй байгаа юм. Өөрийнх нь хийсэн үйл шүү дээ. Гэтэл тэрийг олон нийт зохиосон юм уу. Ерөнхий сайд тав, зургаан жил Засгийн эрхийг барьчихаад эцсийн үр дүндээ төгрөгийн ханш 0 заалаа. Бүх зүйл буруудаж байна. Ерөнхий сайдыг ажиллаж байх таван жилийн хугацаанд нүүрсний үнэ өндөр байсан. Өөрөөр хэлбэл, төр мөнгө сайн олж байсан. Мөн татвар төлөгчдийнхөө нуруун дээр их ачаа үрүүлсний хүчинд орлого сайн олж байсан. Тэгэхээр тэр их мөнгийг яаж зарцуулж, ард түмний амьдрал хэрхэн сайжирсан асуудлыг ямагт тавьж байх хэрэгтэй" гэв.